புத்தளம், K.A. பாயிஸ் கேட்போர் கூடத்தில் நேற்று இந்த நிகழ்வு நடைபெற்றது. பிற்பகல் 4.30 க்கு இந்நிகழ்வு தொடங்கியது. இதில் சிறப்பு விருந்தினர்களாக அஷ்ஷைய்க் ஸஃத், மற்றும் அஷ்ஷைய்க் முஸ்தபா ஆகியோர் கலந்து காதுக்கு இனிமையான அழகிய இஸ்லாமிய கஸீதாக்களை, நபி புகழ் பாடல்களை பாடி பார்வையாளர்களை பிரமிக்கவைத்தனர். இவர்களுடன் கொழும்பு இமாம் அல் அஷ்அரீ அறபுக் கலாபீட கஸீதா குழுவினரும் இணைந்து கஸீதா பாடினர்.

மேலும் இந்நிகழ்வில் அஷ்ஷைய்க் அப்துல்லாஹ் மாஜித் பஹ்ஜீ மற்றும் அஷ்ஷைய்க் ஸப்லான் அஷ்அரீ அவர்களின் விஷேட உரை இடம்பெற்றதுடன், ஜம்இய்யாவின் தலைவர் அஷ்ஷைய்க் நதீர் இல்மீ அவர்களின் ஜம்இய்யாவின் மன்ஹஜ் பற்றிய தெளிவுரையும் இடம்பெற்றது. அதில் அஷ்அரிய்யாக்களின் அகீதாவைப் பாதுகாக்க நாம் முனைப்புடன் ஒற்றுமையாக செயலாற்ற வேண்டுமென்பதின் அவசியம் பற்றியும் பேசப்பட்டது.

இச் சங்கைமிகு நிகழ்வில் புத்தளத்தின் அறபுக் கல்லூரி அதிபர்கள், உஸ்தாத்மார்கள், பள்ளிவாசல் நிர்வாகிகள், பேஷ் இமாம்கள், இஸ்லாமிய கலாச்சார திணைக்கள அதிகாரிகள், சட்டத்தரணிகள், அரசியல் பிரமுகர்கள் என பலரும் கலந்து சிறப்பித்தனர்.

இந்நிகழ்ச்சியை சிறப்புற நிறைவேற்ற பங்காற்றிய ஊர்மக்கள், நலன்விரும்பிகள், மாணவர்கள், பெற்றோர்கள், இளைஞர்கள் அனைவருக்கும் ஜம்இய்யா நன்றிகளை தெரிவித்துக்கொள்கின்றது.